Grupet ndërkufitare i kërkojnë Bernës dhe Parisit të zgjasin marrëveshjen

pixabay

Grupi Evropian Ndërkufitar (GTE) i shkroi një letër presidentit zviceran Ignazio Cassis dhe homologut të tij francez, Emmanuel Macron, duke u kërkuar atyre të rinovojnë dy marrëveshje kalimtare në lidhje me punonjësit ndërkufitarë që janë ende duke punuar nga shtëpia, përcjell albinfo.ch.

Marrëveshjet, të krijuara gjatë pandemisë Covid kur ishte në fuqi detyrimi i zyrës së shtëpisë, skadon më 30 qershor.

Marrëveshja e parë lidhet me sigurimet shoqërore, duke përcaktuar se nëse një punonjës ndërkufitar shpenzon më shumë se 25 për qind të orëve të punës në shtëpi në Francë, punëdhënësi zviceran duhet t’i paguajë sigurimet shoqërore autoriteteve franceze.

E dyta vlen për tatimin: në Gjenevë punëdhënësit duhet të zbresin tatimin mbi pagat e punonjësve të tyre francezë dhe t’ua paguajnë atë autoriteteve në vendbanimin e punonjësit në Francë.

Grupi tha se sistemi aktual duhet të zgjatet përtej afatit të 30 qershorit për shkak të “përparësive të padiskutueshme” të zyrës së shtëpisë.