2 000 viktima në Haiti si pasojë e tërmetit

EPA/Ralph Tedy Erol

Numri i personave të vdekur në Haiti nga tërmeti i fundjavës ka arritur në gati 2,000, përcjell albinfo.ch.

Ndërkohë një stuhi tropikale ka goditur këtë shtet në Karaibe, duke penguar përpjekjet për kërkim-shpëtim.

Referuar autoriteteve, numri i viktimave është rritur për më shumë se 500 në 1,941 më 17 gusht.

Më shumë se 9,900 persona është thënë se janë të plagosur.

“Situata është shumë e vështirë. Popullata është duke u përballur me një mori të nevojave urgjente humanitare”, ka thënë kryeministri i Haitit, Ariel Henry, përmes një postimi në Twitter.

Qeveria ka falënderuar partnerët kombëtarë dhe ata ndërkombëtarë, që kanë ndihmuar në përpjekjet për kërkim-shpëtim.

Si pasojë e tërmetit është thënë se 60,000 shtëpi janë shkatërruar, ashtu sikuse shumë ndërtesa publike.