Handke shpallet “non-grata” në Kosovë

Peter Handkes dje i është ndarë çmimi nga Akademia Suedeze

Ministri i Jashtëm në detyrë i Kosovës, Behgjet Pacolli ka deklaruar se ka shpallur persona non-grata në Kosovë, shkrimtarin austriak, Peter Handke.

Pacolli ka shkruar se këtë vendim e ka marrur pasi fituesi i Çmimit Nobel për Letërsi Peter Handke ka mohuar krimet e kryera në Kosovë nga regjimi i Millosheviçit.

“Sot kam vendosur të shpalli Peter Handke si jo të mirëpritur në Kosovë.

Ai është një person non-grata nga sot. Mohimi i krimeve dhe mbeshtetja e kriminelëve është krim i tmerrshëm”, ka shkruar Pacolli, përcjell albinfo.ch.

Kujtojmë që shkrimtari austriak i cili mori Çmimin Nobel për Letërsi ka marrë reagime të shumta pasi është shpërblyer nga Akademia Suedeze.

---