Haradinaj: Komuniteti LGBTI do ta ketë përkrahjen e Qeverisë

Sot mbahet Parada e Krenarisë në Prishtinë

Kryeministri i Kosovës, Ramush Haradinaj në ditën e paradës së krenarisë është shprehur se orientimi seksual është përcaktim individual në secilën shoqëri dhe si i tillë duhet respektuar.

“Është fat i madh që duke qenë shtet i ri ne kemi Kushtetutën, që siguron liri individuale për të gjithë.

LGBTI dhe Java e Krenarisë do ta kenë mbështetjen institucionale, për të qenë të lirë dhe sigurt në shfaqjen e përcaktimit të tyre”, ka shkruar Haradinaj në rrjetet sociale, përcjell albinfo.

Sot në Prishtinë nga komuniteti LGBTI dhe përkrahësit do të organizohet Parada e Krenarisë. Parada e Krenarisë mbahet në sheshin “Skënderbeu” dhe do të përfundojë në sheshin “Zahir Pajaziti” në Prishtinë.

Pas përfundimit të Paradës do të mbahet një fjalim në lidhje me ngjarjen dhe do të përfundojë me një koncert të shkurtë.

---