Haradinaj: Liberalizimi i vizave, para Vitit të Ri!

Kryeministri i Kosovës nuk e ka ndërruar qëndrimin e tij për Mogherinin. Në një konferencë për media ka thënë se përfaqësuesja për Politikë të Jashtme të BE-së e ka devijuar dhe çrregulluar procesin e dialogut’.

Ndërkaq, në mbledhjen e Qeverisë u bë e ditur se ekzekutivi i ka dërguar grupit negociator dhe presidentit Hashim Thaçi draft-marrëveshjen përfundimtare për dialogun me Serbinë. Avni Arifi, pjesë e ekipit negociator, ka paraqitur para kabinetit objektivat e kësaj draft-marrëveshjeje. Sipas Arifajt, paragrafi i parë i saj parasheh njohjen reciproke ndërmjet dy vendeve, shkruan albinfo.ch

Ai ka thënë se edhe temat e tjera, sikurse janë personat e pagjetur, viktimat e dhunës seksuale, telekomunikimi, energjetika, dëmet e shkaktuara gjatë luftës nga shteti i Serbisë, do të jenë tema të diskutimit në këtë dialog. Kryeministri është zotuar se kosovarët do të mund të lëvizin pa viza para fundit të këtij viti.

“Ne tani kemi dy kërkesa për BE-në: e kemi normalizimi i dialogut dhe liberalizimi i vizave, këto dyja janë në proces, kjo nuk ndërlidhet me taksën, kjo është e ndarë. Besoj se do ta marrim liberalizimin, jo shumë larg, para Viti të Ri, por kjo nuk ndërlidhet me taksën”, tha Haradinaj,