Haradinaj: Mendimi i qeverisë për Specialen nuk ka shumë vlerë  

"Mendimi i Qeverisë nuk është fort i vlefshëm, sepse është mocion që buron nga parlamenti. Por Qeveria me respekt do t’i kryejë të gjitha procedurat që parashihen me këtë rast"

Kryeministri Ramush Haradinaj ka deklaruar se mendimi i qeverisë në lidhje me nismën e nënshkruar nga 43 deputetë, është i pavlefshëm.

Kreu i ekzekutivit ka thënë se ende nuk e kanë pranuar zyrtarisht nga Kuvendi shkresën e Kryesisë në lidhje me Projektligjin për shfuqizimin e Ligjit për Dhomat e Specializuara. Gjatë vizitës në Komunën e Ferizajt ai megjithatë ka thënë se Qeveria do ta japë mendimin e saj. Qeveria ka një muaj kohë të japë një mendim për projektligjin.

“Mendimi i Qeverisë nuk është fort i vlefshëm, sepse është mocion që buron nga parlamenti. Por Qeveria me respekt do t’i kryejë të gjitha procedurat që parashihen me këtë rast. Në njëfarë mënyrë, Parlamenti e ka në ‘pronësi’ këtë dokument”, deklaroi Haradinaj.