“Hat-tricku” i Muriqit e afron atë te titulli i golashënuesit më të mirë në histori të klubit

Keystone (AP Photo/Francisco Ubilla)

Sulmuesi nga Kosova, Vedat Muriqi në ndeshjen e xhiros së 20-të të La Ligas spanjolle, e regjistroi “hat-trickun” e parë, që nga transferimi i tij te Mallorca në vitin 2022.

Ai shënoi fillimisht në minutën e pestë për 1:0, pastaj në minutën e 42-të e humbi penalltinë dhe nga topi i kthyer shënoi duke e çuar rezultatin në 2:1. Në minutën e 69-të, shënoi nga pika e bardhë, duke e çuar rezultatin në 3:2, transmeton albinfo.ch. 

31-vjeçari i ka 14 gola në La Liga në këtë edicion, ndërsa 48 i ka shënuar në total në elitën spanjolle. Vetëm Kylian Mbappe ka gola më shumë – 19. 

Muriqit i duhen edhe shtatë gola për t’u bërë golashënuesi më i mirë në histori të klubit, teksa Samuel Eto’o i ka 54 gola në La Liga për Mallorcan.

Me golat e shënuar të shtunën për Mallorcan, Muriqi hyri në histori si golashënuesi i dytë më i mirë i skuadrës në histori, duke e kaluar ish-sulmuesin e Venezuelës, Juan Arango.