Hesht kushtetuesja, vazhdojnë masat e përkohshme për Kuvendin e Kosovës

Aktgjykimi i plotë nuk është publikuar ende në faqen e Gjykatës Kushtetuese andaj vazhdon masa e përkohshme që kishte hyrë në fuqi më 5 shtator

Deputetët e Kuvendit po vazhdojnë të jetë nën masën e përkohshme të Kushtetueses, duke mos pasur të drejtë të ndërmarrin asnjë veprim, e as vendim drejt konstituimit të institucioneve të dala nga zgjedhjet e më shumë se gjysmë viti më parë.

Kushtetuesja këtë të martë publikoi vendimin pas ankesës së Listës Serbe lidhur me votimin ndaras të kandidatëve për nënkryetarë të Kuvendit të Kosovës nga radhët e pakicave, njofton rtklive.com.

Sipas këtij vendimi, Kuvendi ende është i pakonstituuar dhe seanca konstituive e nisur më 15 prill duhet të përfundojë brenda 12 ditëve nga hyrja në fuqi e aktgjykimit të 30 shtatorit.

Por, aktgjykimi i plotë nuk është publikuar ende në faqen e këtij institucioni, andaj vazhdon masa e përkohshme që kishte hyrë në fuqi më 5 shtator.

---