Familja që jetoi e izoluar për më shumë se 9 vjet

Ai i kishte mbajtur fëmijët, duke u thënë se ka ndodhur apokalipsi dhe janë njerëzit e fundit në tokë

Vëllai 25-vjeçar që ndihmoi fëmijët e tjerë të familjes të shpëtojnë nga izolimi 9-vjeçar brenda një ferme ka dalë në foto për herë të parë.

Jan Zon Van Dorsten është 25-vjeçar. Ai shkoi në një kafene të zonës këtë të shtunë, porositi pesë birra dhe i tha të zotit se kishte nëntë vjet që nuk dilte nga shtëpia.

Policia holandeze tha se fëmijët dhe babai i tyre po mbaheshin në një fermë rreth 100 km larg Amsterdamit, në Holandë, transmeton TCH.

Fëmijët u gjetën bashkë me babain në një dhomë të fshehur në qilarët e fermës, përcjell albinfo.ch.

Policia zbuloi se djali i madh kishte dalë edhe më herët nga shtëpia, dhe kishte nisur të postonte sërish foto në Facebook, siç kishte bërë 9 vjet më parë.

Një burrë 58-vjeçar, që nuk është babai i familjes, u arrestua të martën, por roli i tij ende nuk dihet.

Ferma ishte e marrë me qira dhe i zoti i fermës tha se pagesa ishte kryer gjithnjë një kohë dhe ai nuk dinte gjë që në pronë jetonin edhe njerëz të tjerë përveç personit që paguante qiranë.

I zoti nuk dinte as që qilari ishte kthyer në vendbanim, me dhoma të ndryshme.

Ferma ishte 200 metra nga rruga më e afërt dhe e rrethuar me pemë.

---