Historike: Tre shqiptarë janë zgjedhur në Këshillin Bashkiak të këtij qyteti në Itali

Për herë të parë në historinë e qytetit të Trentos, tre qytetarë me origjinë shqiptare janë zgjedhur anëtarë të Këshillit Bashkiak

Bëhet e ditur se, për herë të parë në historinë e qytetit të Trentos në Itali, tre qytetarë me origjinë shqiptare janë zgjedhur anëtarë të Këshillit Bashkiak, duke shënuar një moment historik për integrimin dhe përfaqësimin e komunitetit shqiptar në Itali, përcjell albinfo.ch.

Ata janë: Xheik Shero, Spartak Malaj dhe Kristofor Ceko.

Këta emra shqiptarë do të jenë zërat e rinj që do të përfaqësojnë jo vetëm qytetarët e Trentos, por edhe mijëra shqiptarë që prej vitesh kontribuojnë në jetën sociale, ekonomike dhe kulturore të këtij qyteti verior italian.

Zgjedhjet lokale u zhvilluan ditën e djeshme. Kryetari aktual i bashkisë, Franco Ianeselli, siguroi një tjetër mandat dhe, menjëherë pas fitores, shprehu falënderimet për të gjithë qytetarët dhe mbështetjen e gjerë që reflektoi një dëshirë të qartë për vazhdimësi dhe përfaqësim të drejtë.

---