Holanda, me numrin më të madh ditor të rasteve me koronavirus

Ilustrim

Rastet e koronavirusit në Holandë u rritën me rreth 7,400 raste në 24 orët e fundit, duke shënuar rritjen më të madhe që nga fillimi i janarit, i tha ministri holandez i Drejtësisë, Ferd Grapperhaus, të premten agjencisë kombëtare të lajmeve ANP.

Infeksionet ishin rreth 20% më të larta të premten sesa një javë më parë, ndërsa numri i pacientëve me COVID-19 në spitale u rrit me 7% në javën e kaluar.

Autoritetet holandeze të shëndetit publik kanë paralajmëruar vazhdimisht për një valë të re të afërt të infeksioneve, për shkak të rritjes së mutacioneve të reja të virusit.

Të martën ata thanë se rreth 75% e të gjitha rasteve të reja ishin tani të variantit të parë të zbuluar në Britani në fund të vitit të kaluar, shkruan “Reuters”, përcjell albinfo.ch.