“Holiday Train Show”, udhëtimi në miniaturë

New Yorku ka kthyer traditën e preferuar festive – respektivisht ekspozitën e trenit festiv, siç njihet. 

Një nga mënyrat e preferuara të turistëve të shumtë që vizitojnë New Yorkun në SHBA, por edhe i vetë njujorkezëve, është që festat e fundvitit t’i kalojnë në ekspozitën “Treni festiv” (Holiday Train Show), e cila do të zgjasë deri më 21 janar. 

Ekspozita është hapur në parkun botanik të New Yorkut, ndërsa në ditë vizitohet nga disa mijëra njerëz. 

Vizitorët mund të shohin miniaturën e New Yorkut me shfaqjen simbolike të ndërtesave të qytetit. Në mesin e 175 maketeve që ndodhen në ekspozitë, mund të shihen Statuja e Lirisë, biblioteka e qytetit, ndërtesa Rockfeller, Empire State, stacioni kryesor hekurudhor dhe stadiumi Yankee. 

Çdo njëra është bërë nga lëvorja, gjethet apo materiale të tjera natyrore. Janë ekspozuar disa sisteme hekurudhore, ku lëvizin dhjetëra trena. Po ashtu janë ekspozuar edhe maketat e trenave të përdorur në tre shekujt e fundit.