Homazhe në 21-vjetorin e rënies së Zahir Pajazitit

Liderët e institucioneve kanë bërë homazhe te shtatorja e heroit Zahir Pajaziti në Prishtinë, me rastin e 21-vjetorit të rënies së Zahir Pajazitit, Edmond Hoxhës e Hakif Zejnullahut.

Presidenti i Kosovës, Hashim Thaçi, tha se rënia e këtyre heronjve dhe të gjithë bashkëluftëtarëve të tjerë të UÇK-së, ka bërë kthesën e madhe në lëvizjen kombëtare se në Kosovë kishte filluar një etapë e rezistencës së armatosur masive, përcjell albinfo.ch.

E, kryeministri i Kosovës, Ramush Haradinaj, tha se me këtë po shprehin respektin për luftëtarët e lirisë. Haradinaj deklaroi se në të ardhmen duhet bërë që në ngjarje të tilla, e prerjen e shiritave, të mos e bëjnë politikanët, por të afërmit e të rënëve.

Nënkryetari i komunës së Prishtinës, Selim Pacolli, tha se këto nderime po bëhen në mënyrë që të mos harrohen veprat e heronjve, të atyre që kanë kontribuar për liri.

Në përvjetorin e rënies së heroit Zahir Pajaziti, homazhe lanë bërë edhe drejtues të partive politike dhe bashkëluftëtarët e tij.