Hoti e Vuçiq, me deklaratë të përbashkët

Foto nga raundi i fundit i dialogut Kosovë-Serbi, të mbajtur në Bruksel më 16 korrik

Pak para takimit në Bruksel, Bashkimi Evropian ka publikuar një deklaratë të përbashkët të kryeministrit Avdullah Hoti dhe presidentit serb, Aleksandër Vuçiq.

Në deklaratë thuhet se Hoti e Vuçiq janë zotuar se do ta vazhdojnë dialogun e ndërmjetësuar nga BE-ja dhe se kjo është rruga e vetme për integrim evropian, raporton albinfo.ch.

“Në rastin e vazhdimit të dialogut të ndihmuar nga BE-ja mes Beogradit dhe Prishtinës, presidenti Aleksander Vuçiq dhe kryeministri Avdullah Hoti, i kanë konfirmuar Përfaqësuesit të Lartë të BE-së për Politika të Jashtme dhe Siguri, zëvendëspresidentit të Komisionit Evropian, Josep Borrell, se e kanë prioritetin më të lartë integrimin në BE dhe të vazhdohet puna në dialogun e ndihmuar nga BE-ja mes Beogradit dhe Prishtinës, që është element kyç i rrugëve të tyre në BE”, theksohet në deklaratën e lëshuar nga Bashkimi Evropian.