Hoti: Koalicioni i pakicës s’ka legjitimitet për të qeverisur

Shefi i Grupit Parlamentar i LDK-së, Avdullah Hoti, ka shkruar sërish sot se, situata e re e krijuar në vend pas humbjes së shumicës parlamentare nga partitë në pushtet, kërkon që të kapërcehen interesat e ngushta politike. “LDK-ja është e vendosur dhe e pa kompromis në ruajtjen e rendit kushtetues dhe demokracisë në Kosovë. Ne presim nga partitë e tjera t’i bashkohen nismës tonë për një tryezë të përbashkët për tu dakorduar për tejkalimin e situatës.

Prandaj, është e qartë se ky koalicion i pakicës nuk ka legjitimitet për të qeverisur. Çdo ditë e humbur pa një marrëveshje në mes të partive politike për punët që duhet kryer bashkërisht deri në zgjedhjet e parakohshme është rrezik dhe humbje për Kosovën”, ka shkruar Hoti, përcjell albinfo.ch.

Ai ka thënë se koalicioni qeverisës e ka humbur shumicën në Kuvendin e Kosovës. Megjithëse edhe Vetëvendosja edhe Grupi i Deputetëve të Pavarur kanë thënë se janë pro mocionit për rrëzimin e qeverisë Haradinaj një hap i tillë nuk është ndërmarr deri tashti nga LDK-ja.

Kjo parti deri tash ka bërë thirrje deri tash vetëm me deklarata për ta rrëzuar qeverinë po pa marr ndonjë hap konkret.