Hoxhaj: Institucionet ishin në dijeni për ikjet e qytetarëve 

Ai ka thënë se i ka njoftuar organet kompetente të sigurisë e inteligjencës, të cilave ka thënë se duhet t’ua lënë këtë punë në dorë

Ka disa ditë që qytetarë të Kosovës, pothuajse çdo natë, po nisen me autobusë drejt Serbisë. Raportimet fillimisht u demantuan nga zyrtarë të shtetit. Por Ish-ministri i Jashtëm, Enver Hoxhaj, ka pranuar se për mundësinë e ikjes së qytetarëve  shteti ka qenë në dijeni për tash e 5 javë. 

Hoxhaj ka shtuar se ai gjithashtu i ka njoftuar organet kompetente të sigurisë e inteligjencës, të cilave ka thënë se duhet t’ua lënë këtë punë në dorë.

Ndërsa eksperti i sigurisë Burim Ramadani ka thënë se është fatkeqësi kjo që po ndodh, derisa ka shtuar se herën e kaluar ikja është bërë nga organizata kriminale, të cilat shteti i Kosovës, asnjëherë nuk ka arritur t’i shkatërrojë, raporton KTV.