Humbin jetën dy aktorë, teksa po xhironin film

Është bërë e ditur se një ngjarje e rëndë ka ndodhur në Meksikë, ku dy aktorë humbën jetën pasi ranë nga ura teksa po xhironin një pjesë filmi.

Ky lajm u publikua nga rjeti meksikan Televisa. Dy aktorët që humben jetën janë Jorge Navarro Sánchez dhe Luis Gerardo Rivera, të cilët ishin duke provuar një skenë të enjten kur ndodhi aksidenti, thuhet në deklaratë.

“Lutjet tona janë me familjet e Jorge dhe Luis Gerardo, të cilave ne u dërgojmë ngushëllimet tona”, vazhdon më tej deklarata.

Produksioni i serialit po punon me autoritetet për të zbardhur dinamikën e plotë të këtij aksidenti, por detaje të tjera nuk u bënë publike, transmeton tch.

Navarro Sánchez dhe Rivera ishin duke xhiruar sezonin e tretë të “Sin Miedo a la Verdad” (Pa frikë nga e vërteta). /Albinfo.ch.