I arrestuari në Gjermani është angazhuar nga Shërbimi Informativ i Zvicrës

Personi i arrestuar ka pasur për detyrë të zhvillojë hetime për llogari të NDB ndaj tre nëpunësve tatimorë gjermanë të cilët kanë ushtruar shërbim informativ të ndaluar në Zvicër

Ajo për çfarë spekulohej, doli të jetë e vërtetë: Daniel M., zvicerani i arrestuar në Gjermani është me të vërtetë i angazhuar nga Shërbimi Sekret i Zvicrës NDB për spiunazh në Gjermani. Këtë e ka konfirmuar për mediat, deputetja nacionale nga FDP, Corina Eichenberger.

Ajo këtë e ka deklaruar në cilësinë e nënkryetares së komisionit parlamentar që mbikëqyr punën e Shërbimit të Informimit të Zvicrës, NDB, njofton srf.ch.

Personi i arrestuar ka pasur për detyrë të zhvillojë hetime për llogari të NDB ndaj tre nëpunësve tatimorë gjermanë të cilët kanë ushtruar shërbim informativ të ndaluar në Zvicër. Për këtë arsye, për Daniel M., është biseduar në kuadrin e komisionit në fjalë edhe para pesë viteve.

Por, Eichenberger nuk ka mundur të konfirmojë nëse arrestimi i Daniel M. Është në lidhje me këtë aktivitet.