I riu sulmon me thikë 2 kalimtarë në Gjermani, vritet nga policia

Sulm me thikë në Gjermani, lëndohen dy person, policia qëllon për vdekje autorin

Policia gjermane ka ekzekutuar në vend një të ri 30-vjeçar që sulmoi me thikë dy kalimtarë, përcjell albinfo.ch.

Referuar mediave gjermane, ngjarja ka ndodhur pranë stacionit të trenit në Ansbach, një qytet bavarez afër Nuremberg. 30-vjeçari ende i paidentifikuar ka lënduar me thikë dy persona, por fatëmirësisht jeta e tyre nuk është në rrezik.

Po ashtu është raportuar se kur forcat e sigurisë ndërhynë për të ndalur agresorin, i riu sulmoi edhe Policinë, ndaj dhe u detyrua që ndaj tij të hapej zjarr.

“Personi bërtiti “Allahu Akbar” disa herë gjatë kryerjes së krimit”, tha Policia, duke shtuar se ata po hetonin “nëse krimi kishte një lidhje me një kontekst islamik apo terrorist”. Ky është personi i dytë që vritet nga Policia gjermane. Në fundjavë, policia i mori jetën një 23-vjeçari nga Kosova, pasi ai sulmoi me sëpatë një ukrainase, e cila e kishte “klient”. Për të dyja rastet ka nisur hetimi. /Albinfo.ch

---