Ilir Latifi: Unë e fitova ndeshjen – gjyqtarët ishin në anën e Derrick Lewis

Shqiptari i vetëm që është pjesë e platformës më të madhe në botë të luftëtarëve të arteve marciale UFC, Ilir Latifi, ka fajësuar gjyqtarët të cilët vlerësuan përballjen e tij ndaj Derrick Lewis.

Në reagimin e tij të parë publik, Ilir Latifi, thotë se ndeshjen e kishte fituar por shton se është e trishtueshme të shohësh se si gjyqtarët luajtën me përkushtimin e tij për këtë përballje, njofton Klan Kosova.

”Para së gjithash dua të falënderoj familjen, miqtë, ekipin dhe të gjithë njerëzit që më mbështetën, faleminderit!

Kur vendosa ta marr këtë sfidë dhe të luftoj Derrick në qytetin e tij të lindjes, njerëzit menduan se isha i çmendur.

Mbrëmjen e së shtunës duke ecur në arenën për të luftuar Derrick Lewis, krenarinë në shtëpi të Houstons, e dija se kjo betejë nuk do të ishte e lehtë.

Turma ishte atje për të dhe madje edhe gjyqtarët …

Unë mendoj se e fitova atë luftë dhe shumë nga tifozët dhe shikuesit bënë gjithashtu, por është ajo që është …

Si luftëtarë, ne sakrifikojmë dhe rrezikojmë shumë për këtë sport dhe është shumë e trishtueshme të shohësh se si ata mund të luajnë me punën dhe përkushtimin e njerëzve.

Shpresojmë që në të ardhmen të shohim gjyqtarë dhe sistem të pikëve që janë bërë për MMA nga njerëz me përvojë të vërtetë të sportit si luftëtarë dhe trajnerë që kanë njohuri më të mirë të sportit dhe që mund të bëjnë gjykime më të mira”, përcjell Albinfo.ch