Ilmije Dumani, mësuesja e vitit

Me rastin e 7 Marsit-Ditës së Mësuesit, ministria e Arsimit e Kosovës i ka ndarë Ilmije Dumanin, çmimin tradicional “Shaban Jashari” për mësuesin më të mirë të vitit, përcjell albinfo.ch.

Me këtë rast, ministri i Arsimit, Shyqiri Bytyqi u shpreh se mësuesit përpos në dije kanë kontribuuar edhe në luftën çlirimtare.

“Sot është ditë e shënuar, ditë e veçantë. Përveç një date historike, kjo festë u vlerësua dhe jo rastësisht qëlloi në epopenë e UÇK-së. Mësimdhënësit siç ditën të kontribuojnë për dije ditën të organizohen edhe për luftën çlirimtare. Ti përkujtojmë këto data. Duhet të vazhdojmë t’i çmojmë mësimdhënësit sepse ata i përgatisin të rijnë”, ka thënë Bytyqi.

Ndërkoghë, nga ana tjetër, mësuesja Ilmije Dumani e cila punon në Shkollën Fillore “Dardania” në Prishtinë deklaroi se ky çmim e motivon për të vazhduar edukimin e nxënësve.