Imzot Gjergji u uron besimtarëve Pashkët

Me rastin e Festës së pashkëve, Ipeshkvi i Kosovës, Imzot Dodë Gjergji, iu është drejtuar besimtarëve dhe qytetarëve tjerë me një urim festiv.

Në urimin e tij, Ipeshkvi Gjergji veç tjerash thekson: “Ne, të cilët besojmë, me zemër plot gëzim, falënderojmë Zotin e Ringjallur, i cili, na bashkon në dashurinë e Tij të përkryer dhe jetëdhënëse. Dashuri kjo, të cilën, Zoti e ka manifestuar në forma të ndryshme dhe e ka vulosur me gjakun e Qengjit të pafajshëm, në flijimin e Kalvarit.

Sot, ditën e Pashkëve, me gëzim-plotë dhe me shpresë dëshmojmë se Zoti ynë Jezu Krishti, e ka mundur vdekjen dhe me ngjalljen e Tij, të gjithë ne jemi ftuar, të jemi të bijtë e Atit tonë në Qiell”, thuhet ndër të tjera në urimin e Imzot Dodë Gjergjit.