Industria zvicerane e eksportit mbështet marrëveshjen me BE-në

Ilustrim

Punëdhënësi më i madh industrial i Zvicrës, Shoqata e Industrive të Inxhinierisë Mekanike dhe Elektrike, ka dalë në favor të një marrëveshje të diskutueshme, që mbulon marrëdhëniet me Bashkimin Evropian.Hans Hess, kryetar i Swissmem, tha se projekt-marrëveshja ishte bërë me porosi për Zvicrën.

“Nuk mendoj se ne mund të negociojmë një marrëveshje më të mirë për tre apo katër vjet”, tha Hess për gazetën Neue Zürcher Zeitung.

Ai premtoi të luftojë për të ruajtur sistemin e traktateve dypalëshe midis BE-së dhe Zvicrës, duke shtuar se industria e eksportit të Zvicrës mbështetej në qasjen e tregut evropian.

Hess tha se marrëveshja kornizë gjithashtu siguroi sigurinë ligjore dhe mundësinë e negocimit të marrëveshjeve të mëtejshme, veçanërisht në sektorin e energjisë elektrike.

Ai shtoi se çmimi për të paguar për Zvicrën është shumë i lartë në rast se nuk mund të arrihet asnjë marrëveshje, transmeton albinfo.ch

Hess bëri thirrje sindikatave dhe shoqatave të tjera për të rishikuar kundërshtimin e tyre, veçanërisht mbi mbrojtjen e pagave, në dritën e interesit të përgjithshëm të vendit.