Kryeministri i Kosovës: Investimet e diasporës, me interes për Kosovën

Kryeministri i Kosovës, Ramush Haradinaj, sot ka pritur në takim biznesmenin dhe investitorin kosovar, Florin Krasniqi, i cili jeton në Amerikë.

Gjatë këtij takimi është folur për impaktin e masave të ndërmarra nga Qeveria e Kosovës për krijimin e klimës së volitshme për investitorët.

Ndër të tjera, Haradinaj është shprehur se investimet e diasporës janë me interes të madh për Kosovën.

“Investimet e diasporës sonë, me potencial të madh financiar janë me interes të jashtëzakonshëm për Kosovën. Prita në takim biznesmenin dhe investitorin kosovar që jeton në Amerikë, Florin Krasniqi, me të cilin pata kënaqësinë të bashkëbisedoj për impaktin e masave të ndërmarra nga Qeveria e Kosovës për krijimin e klimës së volitshme për investitorët”, ka shkruar kryeministri në Facebook, përcjell albinfo.ch.

Ditëve të fundit, kryeministri Ramush Haradinaj ka vizituar ndërmarrje të ndryshme në vend, si Ferronikelin, M-Technologie, etj.