IOM: Më shumë viktima në Mesdhe

Rrugës drejt Evropës kanë humbur jetën mijëra refugjatë. 120 trupa janë gjetur vetëm në bregdetin e Libisë në dhjetë ditët e fundit. Refugjatët u mbytën në aksidente të panjohura gjatë lundrimit të tyre nëpër Mesdhe.

Në të gjithë botën këtë vit 4027 refugjatë kanë vdekur, bën të ditur në Gjenevë Organizata Ndërkombëtare për Migrim (IOM).

Bëhet fjalë për 35 për qind më shumë se në të njëjtën periudhë të vitit të kaluar. Bëhet fjalë për refugjatë që po bënin përpjekjë për të arritur përgjatë Mesdheut në Evropë.

Që nga mbyllja e rrugës së Ballkanit dhe të marrëveshjes së refugjatëve midis BE dhe Turqisë këtë vit, vëmendja ndërkombëtare është zhvendosur gjithnjë e më shumë në vendet e Afrikës Veriore.