Ish-këshilltari federal Didier Burkhalter me sëmundje të rëndë

Njoftimi i dorëheqjes së tij erdhi papritmas në verën e vitit 2017. Menjëherë pas kësaj u bë e ditur se ish këshilltari federal, Didier Burkhalter (58), vuan nga një sëmundje e rëndë dhe ka nevojë të operohet menjëherë. Tani, ai ka gjetur forcën dhe flet haptazi.

Ai donte të fillojë një jetë të re, për të rizbuluar vetveten si shkrimtar – ta lërë prapa Bernën dhe politikën: Por, në vend që t`iu përkushtohet librave të tij, ai tani duhet të zhvillojë betejë të ashpër kundër një sëmundjeje të rëndë. Kjo është raportuar nga “Glückpost”, transmeton Albinfo.ch.

“Të qenit i sëmurë është një shkollë për jetën”, thotë Didier Burkhalter. “Ekzistencën e vet dhe kohën, ai e sheh nga një kënd tjetër”. Se nga cila sëmundje vuan Burkhalter, revista nuk jep detaje, por supozon se bëhet fjalë për kancer.

Burkhalter thekson: “Kur dhashë dorëheqje në verën e vitit 2017, nuk kam ditur për sëmundjen”.