Ish-presidenti zviceran vdes nga Covid-19

Sipas mediave që raportuan vdekjen e Cottit, ai vdiq të mërkurën pasdite në një spital të Locarno "pas ndërlikimeve për shkak të koronavirusit"

Ish-presidenti zviceran, Flavio Cotti, i cili gjithashtu shërbeu si ministër i Jashtëm dhe i Brendshëm i vendit, ka vdekur në moshën 81-vjeçare, thuhet nga koronavirusi.

 “Me trishtim të madh kam dëgjouar për vdekjen e Flavio Cotti”, tha ministri i Jashtëm aktual zviceran Ignazio Cassis, në Twitter.

“Shpirti i tij politik do të jetë gjithmonë i pranishëm në Ministrinë e Jashtme”, shtoi ai.

Sipas të përditshmeve rajonale në Kantonin  Ticino, italishtfolës të Zvicrës që raportuan vdekjen e Cotti, ai vdiq të mërkurën pasdite në një spital të Locarno “pas ndërlikimeve për shkak të koronavirusit”.

Cotti, i cili ishte një avokat i licencuar u ngrit në radhët e Partisë Demokristiane në Ticino, para se të kalonte 12 vjet në qeverinë kombëtare në Bernë, nga viti 1987 në 1999.

Ai shërbeu si ministër i Punëve të Jashtme dhe i Brendshëm, dhe dy herë shërbeu si president. Ai ishte i njohur për atë që kishte punuar për të lëvizur Zvicrën më pranë organizatave ndërkombëtare dhe loboi që vendi i tij të bashkohej me Kombet e Bashkuara, diçka që më në fund u realizua tre vjet pasi ai u largua nga detyra, përcjell tutje albinfo.ch.

---