Ish-republikat jugosllave, 104 miliard € borxhe

Më së shumti borxhe nga ish-republikat të Jugosllavisë ka Kroacia rreth 37 miliardë euro dhe Sllovenia me 30.7 miliard borxh publik. Serbia i ka 24 miliard

Republikat e ish-Jugosllavisë (Sllovenia, Kroacia, Bosnja, Serbia, Mali i Zi dhe Maqedonia) kanë borxhe që arrijnë në mbi 104 miliard €. Bëhet fjalë për borxhet e mbledhura publike të të gjitha gjashtë republikave, shkruan gazeta “Veçernje Novosti”, transmeton albinfo.ch.

Para rënies së Jugosllavisë në vitet 90-ta të shekullit të kaluar, borxhi publik i RSFJ-së ishte 20 miliard dollarë ndërsa aktualisht borxhi publik i Serbisë kalon vlerën 24 miliard euro.

Me më shumti borxhe nga ish-republikat të Jugosllavisë është Kroacia me 37 miliardë euro dhe Sllovenia me 30.7 miliard borxh publik. Borxhi Kroacisë kalon 87 për qind të PBB-së së vendit, ndërsa në Serbi është 71.8 për qind dhe në Mali të Zi 54 për qind të PBB-së. Maqedonia ka borxhin publik të 3.26 miliard €.

Në rajoni Hungaria ka borxhin më të lartë, e cila mbërrin në 83.4 miliard €, ndërsa Greqia është jashtë konkurrencës me 304 miliard € ose 168 për qind të PBB-së.

Borxhi i përgjithshëm në botë arrin në 54,600 miliardë euro, dhe se pjesa e borxhit në SHBA shkon 29 për qind ndërsa Rusia 0.49 për qind. Shtetet me borxhin më të ulët publik janë Arabia Saudite me 1,82 për qind të PBB-së, Brunei me 3,28 për qind, Hong Kong me 6,37 për qind.