Itali: Humb jetën 34-vjeçari shqiptar, qëllohet me plumb në kokë

Ilustrim

Policia italiane ka bërë të ditur se një shqiptar është gjetur i pajetë në Itali, në një rrugë të izoluar në qytetin e Isola Rizza, në zonën e Veronës, pranë një ferme.

Mediat italiane raportojnë viktima është me inicialet E. K., 34 vjeç, i cili u gjet i qëlluar me plumb në kokë.

Po ashtu, thuhet se viktima është qëlluar me dy qitje pas kokës në parkimin e një restoranti agro-turizmi dhe më pas është parë që një makinë të largohej me shpejtësi nga vendngjarja. Gjithashtu bëhet me dije se viktima kishte precedent penal për trafik droge, transmeton vizionplus.

E nga ana e policisë thuhet se me siguri që i riu shqiptar është qëlluar nga afër. Nuk dihet nëse vrasja është bërë për larje hesapesh për trafik droge, ndërsa kjo pistë po hetohet.

Ndërkohë autoritetet italiane po punojnë për identifikimin dhe kapjen e autorëve, përcjell albinfo.ch.