Itali: Rreth 11 mijë persona të shëruar nga koronavirusi

Në Itali shifrat tregojnë se janë shëruar afro 11 mijë persona nga koronavirusi

Tashmë mbi 10,950 njerëz të infektuar me koronavirus në Itali janë shëruar plotësisht, sipas faqes së internetit të Universitetit Johns Hopkins. Në Itali deri më sot janë vërtetuar rreth 86 mijë raste të infektimeve me koronavirus. Të gjithë të sëmurët janë izoluar dhe po marrin trajtim nga organet shëndetësore, shkruan albinfo.ch.

Të dhënat e fundit tregojnë se përkundër vdekjeve dhe rritjes së të prekurve nga koronavirusi, ka rritje edhe të të shëruarve në Itali.

Referuar faqes së universitetit, pothuajse 11 mijë shërime janë në Itali dhe se trajtimi i tyre po bëhet edhe në ambinetet e shtëpive të izoluar.

Edhe pse është e vështirë të shihet drita në fund të tunelit ndaj këtij virusi, ekzistojnë disa baza për këtë: shkalla e infeksioneve të reja po bie dhe kurba po rrafshohet në Itali. Por më shumë se dy javë nga bllokimi mbarëkombëtar, përparimi i virusit është i ngadaltë dhe i barabartë. /Albinfo.ch

---