Ital: Shqiptari kalon 14 herë kufirin për të takuar të dashurën, dënohet me 5 vjet burgim

Photo ilustrim

E çuditshme, por e vërtetë, historitë e dëbimit nga autoritetet e huaja për emigrantët shqiptarë janë të shpeshta dhe secila ka të veçantat e saj, përcjell albinfo.ch.

Rast i ngjashëm është historia e shqiptarit me inicialet E.F, 38-vjeçar, i cili ka shkelur 14 herë urdhërin e dëbimit nga Italia, vetëm për t’u bashkuar me të dashurën e tij, shtetase italiane.

Mediat vendase raportojnë se E.F. është dënuar nga gjykata në Reggio me 5 vjet burgim, teksa ai shpjegoi se të gjitha i ka bërë për të qenë pranë gruas që ai dashuronte, e cila, sipas tij, ka nevojë për të.

Ai i kishte premtuar se do ta zgjidhte problemin e dokumntacionit, për të qëndruar gjithmonë në Itali. E.F. kishte arritur të merrte një leje qëndrimi dhe të vendosej në Sant’Ilario, në banesën e partneres së tij, megjithatë autoritetet e arrestuan në mbrëmje duke e dërguar në burg.