Italia dëbon kaçanikasin e akuzuar për terrorizëm islamik

Kosovari 28 vjeçar nga fundi i vitit 2014 deri në fillim të atij 2015 ka qenë pjesëtar i një organizate xhihadiste në Siri. Veç kësaj, ai ka mbështetur aktivitetet e organizatës “Rinia Islame Kaçanik”

Një shtetas kosovar i moshës 28 vjeçare me qëndrim në Tirolin Jugor (Itali), është dëbuar nga Italia. Ai ngarkohet se mbante lidhje të ngushta me organizatat terroriste islamike në Siri  dhe Irak si dhe se ka luftuar për ISIS-in.

Dëbimi i tij është realizuar me urdhëresën e ministrit të brendshëm, Marco Minniti, shkruan stol.it.

Kosovari 28 vjeçar nga fundi i vitit 2014 deri në fillim të atij 2015 ka qenë pjesëtar i një organizate xhihadiste në Siri. Veç kësaj, ai ka mbështetur aktivitetet e organizatës “Rinia Islame Kaçanik”, njofton Agjecia Italiane e Lajmeve, Ansa.

Sipas hetimeve të organizatës italiane kundër terrorizmit dhe policisë, personi i përmendur ka qenë në kontakt të përhershëm me ekstremistët në Siri dhe në Irak, transmeton albinfo.ch.

Kosovari është transportuar fillimisht në Milano, prej aeroportit të së cilës është dëbuar në Kosovë.