Ja çfarë oferte ka LVV për LDK-në

Lëvizja Vetëvendosje të hënën mbrëma i ka bërë edhe një ofertë Lidhjes Demokratike të Kosovës për bashkëqeverisje, ku është propozuar që Qeveria e ardhshme të ketë 14 ministri, e jo 12 siç ishin pajtuar më parë këto dy subjekte politike.

Burime të Telegrafit bëjnë të ditur se LVV i ka ofruar LDK-së që të udhëheqë me 6 ministri, LVV me 5 dhe 3 sosh për minoritetet, përcjell albinfo.ch.

Sipas këtij burimi, në ofertën që ka bërë LVV, kjo parti është pajtuar që LDK të marrë edhe postin e presidentit.

LDK do t’i kishte edhe dy zëvendësministra më shume së LVV-ja.

Ndryshe, nga LDK kanë konfirmuar se LVV ua ka dërguar një ofertë të re për bashkëqeverisje dhe se do ta shqyrtojnë gjatë ditëve në vijim.