Ja çka gjeti policia në vendin e ngjarjes pas sulmit në “Mati 1”

Ndërkaq dy të plagosurit, anëtarë të familjes Mehmeti, pasi kanë marrë tretman mjekësor, janë arrestuar nga Policia

Rruga “Muharrem Fejza” në kryeqytet është përgjakur dje nga një konflikt me armë, si pasojë e të cilit dy persona vdiqën, ndërkaq 3 të tjerë mbetën të plagosur rëndë.

Policia ka dhënë sot detajet e reja nga konflikti që ua mori jetën Bashkim Mehmetit e Mefail Rafunës.

Policia njofton se në vendin e ngjarjes ka konfiskuar një armë zjarri AK-47 dhe një pistoletë.

“Në vendin e ngjarjes është konfiskuar një armë zjarri AK-47 dhe një pistoletë”, thuhet në raportin e Policisë, përcjell albinfo.ch.

Ndërkaq dy të plagosurit, anëtarë të familjes Mehmeti, pasi kanë marrë tretman mjekësor, janë arrestuar nga Policia.

Shkak për konfliktin e përgjakshëm dyshohet të ketë qenë një kontest pronësor, gjë për të cilën dy familjet nuk gjetën mirëkuptim. Fillimisht, konflikti nisi me grushte, për të përfunduar tragjikisht.

---