Ja çfarë mendojnë gjermanët për Joe Biden

(AP Photo/Matt Rourke)

Nëntë në dhjetë gjermanë (89 për qind) mendojnë se është “shumë mirë” ose “mirë” që Biden fitoi zgjedhjet e fundit në SHBA.

Në fakt, vetëm shtatë për qind e të anketuarve në sondazhin përfaqësues të ARD Deutschlandtrend vlerësojnë rezultatin e zgjedhjeve si “jo aq të mira” ose “të këqija”.

Dhe një masiv prej 80 për qind e të anketuarve në sondazhin përfaqësues besojnë se marrëdhëniet gjermano-amerikane do të përmirësohen me Biden kur ai të marrë detyrën e Presidentit të SHBA-së, në fillim të vitit të ardhshëm, shkruan thelocal.de, përcjell albinfo.ch.

Një kontrast i madh me atë se si ndiheshin gjermanët pas zgjedhjes së Donald Trump në vitin 2016: në atë kohë, 57 për qind prisnin që marrëdhëniet gjermano-amerikane të përkeqësoheshin.

Një sondazh i fundit tregoi se shqetësimi është ende i fortë. Trump zuri vendin e parë këtë vit si burimi më i madh i frikës gjermane për herë të dytë që nga viti 2018 në sondazhin e kryer nga firma e sigurimeve R + V. Një total prej 53 për qind thanë se besojnë se politikat e tij e bëjnë botën një vend më të rrezikshëm.

Një total prej 85 për qind e gjermanëve besojnë se SHBA do të zhvillohen pozitivisht në përgjithësi nën presidencen e Biden-it, përcjell tutje albinfo.ch.