Reagime të shtypit gjerman ndaj zgjedhjeve në Kosovë

Gazetat gjermane e kanë pritur pozitivisht fitoren e Lëvizjes Vetëvendosje të Albin Kurtit.

Deutsche Welle ka bërë të ditur se Berlini zyrtar është në pritje të koalicionit të ri dhe ende nuk ka dalë me një deklaratë zyrtare.

Në Berlin, fitorja e Albin Kurtit është pritur me ndjenja të përziera: Nga njëra anë konsiderohet si diçka pozitive që pushteti ekzekutues nuk është më në dorë të komandantëve të UÇK-së dhe, nga ana tjetër, ka ende shumë ekspertë të fushës që nuk shohin ndonjë ndryshim thelbësor te natyra e Albin Kurtit dhe që besojnë se me ardhjen e Kurtit në pushtet do të rriten tendencat panshqiptare.

Sipas kësaj, një zyrtar i lartë nga Berlini tha se tani i takon LDK-së që të dalë me një pozitë të fortë nga negociatat e bashkëqeverisjes, për të evituar kësisoj ndonjë dëm të mundshëm në politikën e jashtme, përcjell albinfo.ch.