Janë rinumëruar votat në 50% të vendvotimeve

Zëdhënësi i KQZ-së, Valmir Elezi tha se janë rinumëruar 706 vendvotime nga 1407 sa janë gjithsej.

Deri të hënën, kur ishte dita e gjashtë e rinumërimit në Qendrën për Numërim dhe Rezultate ishin rinumëruar votat në 132 vendvotime.

Zëdhënësi i KQZ-së, Valmir Elezi tha se janë rinumëruar 706 vendvotime nga 1407 sa janë gjithsej.

“Kjo shifër përbën 50% të vendvotimeve të rinumëruara deri më tani. Kanë mbetur për t’u rinumëruar edhe 701 vendvotime të tjera”, tha ai.

Elezi shtoi se nuk mund të thuhet me saktësi se kur përfundon procesi i rinumërimit të pjesës së mbetur të vendvotimeve, por nga dinamika e deritashme ai beson se deri të hënën mund të kryhet.

“Kjo varet krejtësisht nga dinamika e punës në QNR, por edhe se sa ka qenë pjesëmarrja e votuesve në këto vendvotime. Nëse shohim dinamikën e rinumërimit gjatë këtyre 5-6 ditëve, e cila është rreth 130 vendvotime brenda dy ndërrimeve, atëherë besojmë se deri të hënën tjetër mund të përmbyllim këtë rinumërim”, shtoi Elezi.

---