Java e Frankofonisë po zhvillohet në Prishtinë, Gjilan dhe Viti

Foto FB: Embassy of Switzerland in Kosovo

Ambasada e Zvicrës në Kosovë ka njoftuar se këtë javë, Java e Frankofonisë po zhvillohet në Prishtinë, Gjilan dhe Viti.

Bëhet e ditur se kjo javë ka filluar në Prishtinë, ditën e hënë, transmeton albinfo.ch.

“Festimet filluan të hënën në Prishtinë me një ceremoni hapjeje mbresëlënëse, e ndjekur nga një apéro që prezantoi specialitete kulinare nga vendet frankofone. U shprehim mirënjohjen tonë të sinqertë Linda Rukaj dhe Antonio Fjerca për performancën e tyre muzikore elegante dhe të rafinuar. Nesër, Zvicra do të përfaqësohet në Viti përmes shfaqjes së filmit Les Choristes, me regji nga Christophe Barratier. Presim me padurim të vazhdojmë këtë festë të diversitetit dhe pasurisë kulturore të botës frankofone”, thuhet në njoftim.