Jezerci, me qendër për zhvillimin e turizmit rural

Komisioni Evropian përmes organizatës Care Internacional, ka nis implementimin e projektit për zhvillimin e turizmit rural në Jezerc

Me rastin e përurimit të Qendrës për Zhvillimin e Turizmit Rural, Nazmi Hajdari, përfaqësues i fshatit, ka thënë se Bjeshkët e Jezercit paraqesin vend ideal për zhvillimin e turizmit malor për faktin se posedojnë resurse të shumta natyrore, të cilat duhet shfrytëzuar.

Kryetari i Ferizajt, Bajrush Xhemajli ka falënderuar KE-në dhe organizatën “CARE” për mbështetje, duke thënë se Jezerci ofron vende jashtëzakonisht të bukura, vende me histori të bujshme.

Kurse Albertina Binaku nga organizata Care, ka thënë se turizmi rural përbën një risi, ndërsa si organizatë ka premtuar se do të ofrojnë ndihmë për zhvillimin e mëtejmë të turizmit në Jezerc.Projekti është financuar nga Komisioni Evropian dhe i menaxhuar nga Zyra Ndërlidhëse në Prishtinë. Objektivi i KE-së ka qenë që të eksplorohen vendet me potenciale për zhvillimin e turizmit rural. Projekti i Jezercit vjen pas atij të realizuar në Novobërdë dhe Laç të komunës së Hanit të Elezit.