Jürg Sprecher: Diaspora kosovare është komunitet i madh në Zvicër

Diaspora shqiptare në Zvicër luan rol të rëndësishëm në shtetin zviceran me punën e saj, por edhe më shumë në ekonominë kosovare, veçmas në remitencat e dërguara në vendlindje, shkruan albinfo.ch.

Lidhur me rolin e saj, ambasadori i Zvicrës në Kosovë, Jürg Sprecher, e komenton kontributin e kosovarëve në Zvicër dhe në Kosovë.

“Diaspora kosovare është komuniteti më i madh i të huajve në Zvicër pas qytetarëve nga vendet e BE/EFTA. Si rrjedhojë, ato luajnë një rol të rëndësishëm jo vetëm në ekonomi, por edhe në sport, kulturë dhe politikë”, shprehet ai.

Sipas tij, “fakti që kjo ka ndikim në Kosovë është edhe i natyrshëm dhe i mirëpritur. Zvicra vlerësohet të jetë vendi i dytë më i rëndësishëm i origjinës (pas Gjermanisë) për dërgesat në Kosovë. Remitencat nga Zvicra përbëjnë rreth 2.5% të PBB-së së Kosovës”, thotë ai. /Albinfo.ch