Kancelarja Merkel insiston se është mirë me shëndet

Kancelarja gjermane, Angela Merkel, thotë se e di që duhet të kujdeset për shëndetin e saj, duke ofruar siguri se është mirë pas serisë së dridhjeve të trupit që përjetoi gjatë paraqitjeve para publikut, e që vunë në dyshim gjendjen e saj shëndetësore. “Jam në dijeni për përgjegjësinë e punës që kam. Jam sjellë siç duhet sa i përket gjendjes time shëndetësore. Si person jam shumë e interesuar të jem e shëndetshme dhe që duhet të kujdesem për shëndetin tim”, tha kancerlarja që javën e ardhshme mbush 65 vjet, transmeton albinfo.ch.
Merkel foli edhe për qeverisjen e saj që tha se është bërë shumë punë e vështirë pas refuzimit të Partisë Socialdemokrate që Ursula von der Leyen të emërohet shefe e Komisionit Evropian.
E për këtë problem, Merkel tha se Gjermania po e humb mundësinë që për herë të parë pas 52 vjetësh të emërojë një president të këtij Komisioni.