Kandiq thotë se nuk ka normalizim pa zbardhjen e krimeve të luftës

epa04141615 Kosovo Albanians mourn during the reburial ceremony of 19 of 46 Albanians killed by Serb Security forces during the 1998-99 war, in the village of Krusha e Vogel, Kosovo, 26 March 2014. Remains of 46 victims from a mass grave were identified and reburied 15 years after they were killed during the war. EPA/VALDRIN XHEMAJ

Themeluesja e Fondit për të Drejtën Humanitare, Natasha Kandiq, ka deklaruar se nuk do të ketë normalizim të marrëdhënieve Kosovë-Serbi pa zbardhjen e krimeve të luftës.

Në tryezën e organizuar nga ky fond, ku është bërë prezantimi i raportit vjetor për monitorimin e gjykimeve të lidhura me krimet e luftës, ajo i bëri thirrje politikës që në diskutimet për normalizimin e marrëdhënieve me Serbinë, duhet të jetë prioritet diskutimi për zbardhjen e krimeve të luftës.

Drejtori i Fondit për të Drejtën Humanitare, Bekim Blakaj, tha se prej përfundimit të luftës në Kosovë të dhënat për dënimin e personave përgjegjës për krime lufte nuk janë optimiste dhe se deri më tani ka vetëm pak më shumë se 50 raste, me mbi 100 të akuzuar për krime lufte.

Ndërsa, në vitin 2018, për këtë çështje ka pasur vetëm 2 aktakuza. Nga Ministria e Drejtësisë, Altin Ademi u shpreh se drejtësia nuk duhet të jetë hakmarrje dhe se askush nuk duhet t’i ikë përgjegjësisë. Sipas tij, me Kodin e Ri të Procedurës Penale, me anë të gjykimit në mungesë, pritet të rritet efikasiteti për krimet e luftës.