Kapen 2 trafikantë shqiptarë dhe 1 turk: merrnin nga 3600 euro për refugjat

Ata ngarkohen se kundrejt pagesave të majme, i kanë kaluar refugjatët nëpër kufirin ndërmjet Serbisë dhe Hungarisë

Policia e Shqipërisë ka arrestuar sot në Aeroportin e Tiranës tre persona nën dyshimin se janë krerët e një bande trafikuesish me qenie njerëzore. Ata ngarkohen se kundrejt pagesave të majme, i kanë kaluar refugjatët nëpër kufirin ndërmjet Serbisë dhe Hungarisë. Fjala është për dy shqiptarë dhe një turk, bën të ditur policia shqiptare.

Ata kanë marrë së paku nga 3600 euro për person, shkruan diewelt.de

Personat në fjalë kanë organizuar edhe fluturimet e refugjatëve nga Turqia në Shqipëri, gjegjësisht në Aeroportin e Tiranës, transmeton albinfo.ch. Pas arritjes në Shqipëri ata janë transportuar në rrugën tokësore deri në kufirin Serbi-Hungari, ku janë bartur në Hungari dhe kështu kanë hyrë në zonën e BE-së gjegjesisht në zonën ee Shengenit.