Kapet shqiptari me 3.7 kilogramë kokainë

Policia ka ndaluar në Sterzing (Tiroli jugor, Itali) një makinë Peugeot në të cilën janë gjetur 3.7 kilogramë kokainë. Shtetasi shqiptar Halil Alla shoferi dhe personi i vetëm në veturë, të martën, ishte duke vozitur drejt jugut kur u ndalua nga policia e Bozenit, shkruan tageszeitung.it.

Pas ndalimit në autostradë, policët e skajuan makinën për një kontrollim më të hollësishëm transmeton albinfo.ch.  Në pjesën metalike mbi rrotë të veturës ata gjetën të fshehura tri paketime në të cilat gjendeshin 3.7 kilogramë drogë të tipit kokainë.

Halil Alla, një shqiptar me qëndrim në Torino, Itali është arrestuar menjëherë me dyshimin e bazuar për posedim droge me qëllim tregtie.

Gjatë marrjes në pyetje ai ka shfrytëzuar të drejtën e heshtjes dhe nuk është përgjigjur, duke iu përmbajtur këshillës së avokatit të tij, shkruan gazeta.

Ndërkohë droga e kapur  do të analizohet për t`u konstatuar shkalla e pastërtisë së saj.