Kapet shqiptari me 4.7 kg. kokainë të fshehur në aksin e makinës

Specialistët k gjetën në aksin e pasmë të makinës një “xhep” të punuar në mënyrë profesionale, ku ishin fshehur katër paqeta me gjithsej 4.7 kilogramë kokainë

Në afërsi të vendkalimit kufitar, në Kriessern të Kantonit St. Gallen, policia ka kapur një sasi prej 4.7 kilogramësh kokainë të fshehur në aksin e veturës së një shqiptari. Droga ishte fshehur në mënyrë profesionale, duke e  konstruktuar një “xhep” në aksin e makinës, njofton Policia e Kantonit të St. Gallenit, shkruan polizeinews.ch.

Me këtë rast është arrestuar korrieri i drogës, një shqiptar 28 vjeçar që ishte edhe shofer i makinës në fjalë.

Rojat kufitare, kishin kontrolluar një makinë të regjistruar në Francë që po hynte në Zvicër. Në kontrollim e sipër të shqiptarit dhe makinës së tij ishin konkretizuar dyshimet se bëhej fjalë për kontrabandë të drogës. Më tutje, specialistët në mesin e rojave kufitare gjetën në aksin e pasmë të makinës një “xhep” të punuar në mënyrë profesionale, ku ishin fshehur katër paqeta me gjithsej 4.7 kilogramë kokainë. Personi i arrestuar dhe droga e gjetur te ai, i janë dorëzuar Policisë Kantionale të St. Gallenit.