Kaq janë pritjet në pikat kufitare në hyrje-dalje të Kosovës

Foto nga arkivi

Qendra Kombëtare për Menaxhim Kufitar, e cila operon në kuadër të Ministrisë të Punëve të Brendshme në Kosovë, në përditësimin e fundit ka njoftuar se pritjet në disa prej pikave kufitare në hyrje dhe dalje të Kosovës, po vazhdojnë.

Mbrëmjen e së dielës, pritjet më të gjata janë regjistruar në Jarinje, ku për të hyrë në Kosovë duhet të pritet nga 30 deri në 35 minuta, përcjell albinfo.ch.

Në hyrje të Kosovës nëpër pikat tjera kufitare nuk është raportuar për kolona apo pritje të gjata.

Në anën tjetër, në dalje të Kosovës përmes pikës kufitare te Dheu i Bardhë, pritjet shkojnë nga 20 deri në 30 minuta, ndërsa në Muçibabë nga 30 deri në 40 minuta.