Katër hajdutët nga Kosova ende në paraburgim

Hetimet kanë treguar se të dyshuarit 20-41 vjeç kanë kryer të paktën edhe gjashtë vjedhje të tjera dhe një vjedhje në tentativë

Në paraburgim që nga fundjava e kaluar janë katër burra të cilët dyshohen se kanë kryer shumë vjedhje në rajonin Heilbronn në muajt e fundit, shkruan ‘stimme.de’.

Policia ishte duke i përcjell që një kohë të gjatë, derisa përmes hetimeve janë konfirmuar dyshimet e policisë. Të shtunën, hajdutët e dyshuar, të gjithë shqiptarë nga Kosova, ishin arrestuar pas një vjedhje në një shtëpi në Bad Rappenau-Babstadt, përcjell albinfo.ch.

Hetimet e mëtejme kanë treguar se të dyshuarit 20-41 vjeç kanë kryer të paktën edhe gjashtë vjedhje të tjera dhe një vjedhje në tentativë. Policët kishin paraqitur prova të qarta për 20-vjeçarin, kurse autorëve iu ishte gjetur edhe bizhuteri.

Të dyshuarit kishin dalë para gjykatës të dielën dhe më pas ishin shpërndarë në burgje të ndryshme. Hetimet janë duke u vazhduar. Hetuesit edhe të mërkurën nuk kanë treguar qartë se si do të shkojë procesi ndaj tyre, a do të dënohet apo si të dënohen.