Katër serbëve në Merdar iu gjetën mbi 51.000 euro të padeklaruara

Policia e Kosovës njoftoi se në pikëkalimin kufitar në Merdar, në dalje të Kosovës, katër shtetasve serbë u janë gjetur 51.170 euro, ku secili prej tyre kishte mbi 10.000 euro, përcjell albinfo.ch.

Sipas njoftimit policor, paratë e padeklaruara janë gjetur në çantat e tyre të dorës.

Çështja është trajtuar nga zyrtarët doganorë, ndërsa personave në fjalë u është shqiptuar kundërvajtje doganore.

“Me datën 15.04.2025, rreth orës 15:30, në pikëkalimin kufitar në Merdar, në dalje të Republikës së Kosovës, gjatë kontrollimit të hollësishëm të katër udhëtarëve këmbësorë, shtetas të Serbisë, në çantat e tyre të dorës janë gjetur në total 51.170 (pesëdhjetë e një mijë e njëqind e shtatëdhjetë) euro të padeklaruara, ku secili nga udhëtarët kishte më shumë se 10.000 euro veç e veç”, thuhet në njoftimin e Policisë në Facebook.