KEK-u nis gërmimet largohet mundësia për krizën energjetike

Të gjitha objektet në zonë do të rrëzohen para Vitit të Ri

KEK-u ka nisur punën për gërmimin e thëngjillit pas arritjes së marrëveshjes me banorët e lagjes Mirena, ndërkohë që të gjitha objektet në zonë do të rrëzohen para Vitit të Ri.

Zëdhënësi i Qeverisë së Kosovës, Arber Vllahiu, në një konferencë për media në Shipitullë, përsëriti se nuk do të ketë rritje të çmimit të rrymës dhe as reduktime.

Ai theksoi se procesi i zhvendosjes së banorëve ka përfunduar dhe në këtë mënyrë Qeveria Haradinaj ka përmbyllur njërën nga çështjet më të mëdha që kanë mbajtur peng energjinë.

Ndërsa ministri Valdrin Lluka deklaroi se nisja e punës nga ana e KEK-ut do të stabilizojë prodhimin e energjisë elektrike.