Kërcënimi me bombë në qendër të Bernës përfundon pa pasoja

Lokacioni i përmendur ka mbetur i bllokuar deri pas orës 18.00 ndërsa policia ka gjetur objektin e dyshimtë të cilin, siç bëhet e ditur, nuk ka pasur nevojë ta shpërthente

Pasditen e sotme policia ka rrethuar dhe bllokuar kishën dhe hapësirën rreth Stacionit kryesor hekurudhor në qendër të Bernës. Shkak për këtë ka qenë një njoftim për kërëcënim me bombë.

Lokacioni i përmendur ka mbetur i bllokuar deri pas orës 18.00 ndërsa policia ka gjetur objektin e dyshimtë të cilin, siç bëhet e ditur, nuk ka pasur nevojë ta shpërthente. Me atë rast policët kanë arrestuar në kishë një person të dyshuar.

Nuk ka informacione se ndaj kujt ishte drejtuar kërcënimi me bombë.

Ndërkohë që lokalet përreth të gjitha janë evakuuar dhe tramvajët bashkë me autobusët janë ndaluar, qarkullimi i trenave në stacion nuk është prekur fare nga kjo bllokadë.